1Bwana anatawala, amejivika utukufu; Bwana amejivika utukufu tena amejivika nguvu. Dunia imewekwa imara, haitaondoshwa.

²Kiti chako cha enzi kimekuwa thabiti tangu zamani; wewe umekuwako tangu milele.

³Bahari zimeinua, Ee Bwana, bahari zimeinua sauti zake; bahari zimeinua sauti za mawimbi yake.

⁴Yeye ni mkuu kuliko ngurumo ya maji makuu, ni mkuu kuliko mawimbi ya bahari: Bwana aishiye juu sana ni mkuu.

⁵Ee Bwana, sheria zako ni imara; utakatifu umepamba nyumba yako pasipo mwisho.