1Ee Mungu, ufanye haraka kuniokoa; Ee Bwana, njoo hima unisaidie.

²Wale wanaotafuta kuuondoa uhai wangu, waaibishwe na kufadhaishwa; wote wanaotamani kuangamizwa kwangu, warudishwe nyuma kwa aibu.

³Wale waniambiao, “Aha! Aha!” warudi nyuma kwa sababu ya aibu yao.

⁴Lakini wote wakutafutao washangilie na kukufurahia, wale wapendao wokovu wako siku zote waseme, “Mungu na atukuzwe!”

⁵Lakini bado mimi ni maskini na mhitaji; Ee Mungu, unijie haraka. Wewe ndiwe msaada wangu na mwokozi wangu; Ee Bwana, usikawie.