1Bwana alipowarejeza mateka Sayuni, tulikuwa kama watu walioota ndoto.

²Vinywa vyetu vilijaa kicheko, ndimi zetu zilijaa nyimbo za shangwe. Ndipo iliposemwa miongoni mwa mataifa, “Bwana amewatendea mambo makuu.”

³Bwana ametutendea mambo makuu, nasi tumejaa furaha.

⁴Ee Bwana, turejeshee watu wetu waliotekwa, kama vijito katika Negebu.

⁵Wapandao kwa machozi watavuna kwa nyimbo za shangwe.

⁶Yeye azichukuaye mbegu zake kwenda kupanda, huku akilia, atarudi kwa nyimbo za shangwe, akichukua miganda ya mavuno yake.