1Mutendereze Mukama! Nneebazanga Mukama n’omutima gwange gwonna, mu lukiiko lw’abalongoofu, era ne mu lukuŋŋaana.

²Mukama by’akola bikulu; bifumiitirizibwako abo bonna ababisanyukira.

³Emirimu gye mikulu nnyo era gya kitiibwa, n’obutuukirivu bwe tebuggwaawo emirembe gyonna.

⁴Ayamba abantu okujjukira ebyamagero bye, Mukama wa kisa era ajjudde okusaasira.

⁵Agabira abamutya emmere; era ajjukira endagaano ye buli kiseera.

⁶Abantu be abalaze ng’ebikolwa bye bwe biri eby’amaanyi; n’abagabira ensi eyali ey’abannaggwanga.

⁷By’akola byonna bya bwesigwa era bya bwenkanya; n’amateeka ge gonna ga bwesigwa,

⁸manywevu emirembe gyonna; era yagassaawo nga ga bwesigwa era nga ga mazima.

⁹Yanunula abantu be; n’alagira endagaano ye ebeerewo emirembe gyonna. Erinnya lye ttukuvu era lya ntiisa!

¹⁰