1Muleetere Mukama eddoboozi ery’essanyu mmwe ensi zonna.

²Muweereze Mukama n’essanyu; mujje mu maaso ge n’ennyimba ez’essanyu.

³Mumanye nga Mukama ye Katonda; ye yatutonda, tuli babe, tuli bantu be era endiga ez’omu ddundiro lye.

⁴Muyingire mu miryango gye nga mwebaza, ne mu mpya ze n’okutendereza; mumwebaze mutendereze erinnya lye.

⁵Kubanga Mukama mulungi, n’okwagala kwe kwa lubeerera; n’obwesigwa bwe bwa mirembe gyonna.